အသံကြားရုံနဲ့တင်

အဖြူရောင်တွေ တဖွဲဖွဲဝဲလွင့်ကြလာ

အာရုံခံအစိတ်အပိုင်းတွေ

ဖြူစင်လင်းပ လာကြတယ်...


ဂယောက်ဂယက် အိပ်မက်တွေနောက်

မုဆိုးတစ်ယောက်လို

အိတ်ပေါက်နဲ့ဖားကောက်လိုက်ရင်း

စီးမျောခဲ့တဲ့ ခြေရာဟောင်းတွေ

မပိုင်ဆိုင်လိုက်ရတဲ့ ရယူလိုခြင်းတွေ

ဝေဝါးလာခဲ့ရ

၃၆၅ နေ့သစ်များ

စတင်ရတော့မယ်...


နေ့တွေက ညတွေထဲစီးမျောရင်း

ညတွေက နေ့တွေကိုမော်ဖူးရင်း

ရွက်သစ်တွေက ရွက်ဟောင်းတွေခြွေခြရင်း

ပွဲတော်အသစ်တွေက ပွဲတော်အဟောင်းတွေကို ကပြရင်း

မနုဿတွေရဲ့ ချင် ခြင်း သားကောင်များ

မျက်နှာဖုံးတွေနဲ့ အန္ဓများ

မျောလွင့်နေဆဲပဲ..


ကျွန်တော့်ဆောင်းကတော့

အေးဆေးတည်ငြိမ်လွန်းစွာနဲ့

သူမဝတ်ရုံထဲက နှင်းတွေခြွေချ

လှပလွန်းစွာ

တောက်ပနေလိုက်ပုံများ

ဗလာကောင်းကင်တစ်ခွင်လုံး

ဖြူမှိုင်းနေလေရဲ့....

ကောင်းကင်ရဲ့ ရနံ့သစ်နောက်လိုက်ရင်းနဲ့

ငါကိုယ်တိုင်

မြစ်ကျိုးအင်းတစ်ခု

ဖြစ်ခဲ့ဘူးရဲ့...

မျက်နှာပြင် အတက်အကျတွေလည်း ကြမ်းခဲ့ဘူးတယ်..


ဖျက်ပိုးတွေမထိအောင်

ဥယျာဉ်မှုးရဲ့ မျှော်လင့်ခြင်းမျိုးနဲ့

ပျိုးခဲ့တဲ့ နှင်းဆီရေ...

မင်းရဲ့ အကြောင်းပြချက်တွေအောက်မှာ

ငါ.....

ဆူးစူးခဲ့ရပြီလား?


ဥသြသံတွေ အိပ်ကပ်ထဲထည့်ရင်း

အကျွန့်နွေဦးတွေ နှစ်မြို့တိုင်တိုင်

လှိုင်ခဲ့ရပေါ့..

တစ်ချို့ အိပ်မက်တွေက အိပ်မောကျလျက်..

တစ်ချို့လည်း ရုပ်ကြွင်းအဖြစ်နဲ့ အိပ်မောကျဆဲပဲ..


မုတ်သုန်က ခေါင်မိုးကို

ခုန် ခုန် ပြီး နမ်းချိန်မှာတော့

ကျွန်တော့် ရေတံလျှောက်လည်း

ရေငတ်တတ်လာပြီလေ...


ဆပ်ပြာဖူဖောင်းတွေခိုစီး

လူ့ဝိနည်း မညီဘူးလို့မပြောပါနဲ့

မျက်နှာဖုံးတွေမရှိတဲ့

ပွဲတော်တွေဆို ကျွန်တော့်ကိုခေါ်ပါ...

ရောင်စုံလိပ်ပြာတွေကိုလည်း ပြောလိုက်ပါ့မယ်...

ရနံ့မဲ့နာရီတစ်လုံးနဲ့

အသစ်ကျပ်ချွတ်မနက်ခင်းတစ်ခုလည်း လက်ဆောင်ပေးပါ့မယ်...

........

........

ဒီလိုနဲ့ပေ့ါ

ဒီလိုနဲ့ပေါ့..

ဆင်ခြေဖုံးက

အလင်းဆိုင်လေးလည်း

တိ တ် ဆိ တ် ကြေ ကွဲ....

မြို့ရိုး တံခါးနှစ်ချပ်

ဟင်းလင်းဖွင့်ထားဆဲပဲပေါ့..