တစ်စင်းပြီးတစ်စင်း
ဆိုက်ကပ်
ထွက်ခွာ
သြော်…..
ငါ့ဘူတာအိုတောင်
အသက်ရနေပြီ။
မင်းကတော့ ပြေးလွှားဆဲ
ဘူတာတွေ့တိုင်း ဆိုက်မယ်ဆိုတဲ့
အတွေးနဲ့....
ကပ်ချင်ကပ် ခွာချင်ခွာ
အားလုံးမင်းသဘောပါ
ဒါပေမယ့်
ငါ့အဖြူရောင် ဘူတာ
မစွန်းထင်းပါစေနဲ့။
အတိတ်၊
ပစ္စုပ္ပန်၊
အနာဂတ်၊
အနိုင်၊ အရှုံး
အားလုံး ဒီသံလမ်းပေါ်မှာပြေးလွှား
မျက်လှည့်ပြသလိုပါလား....
မင်းနောက်ကျောမှာ
မှတ်တိုင်တွေ ကြက်ခြေခတ်တွေချန်ခဲ့
အချိန်တန်ရင်တော အေးမြတဲ့ဘူတာမှာ
မင်း...မှေးစက်နိုင်ပါစေ။
အဆုံးမရှိတဲ့
ဒီမျဉ်းပြိုင်တွေပေါ်မှာ
ဝိဥာဉ်မခမ်းသရွေ့
ဆက်ခုတ်နေဦးပေါ့။
အလို….
စွန့်ပစ်ခံ ကလေးတစ်ယောက်ရဲ့ ငိုသံ လိုပါလား…
အချစ်ခံ ကလေးတစ်ယောက်ရဲ့ ဂျစ်တိုက်သံ လိုပါလား…
အမှောင်ကျခံ လူတစ်ယောက်ရဲ့ သက်ပြင်းချသံလိုပါလား…
နေပူခံ လူတစ်ယောက်ရဲ့ ညည်းတွားသံ လိုပါလား…
ထိုးကြိတ်ခံ သင်းကွဲရဲ့ ညည်းညူသံ လိုပါလား…
လှောင်ပြောင်သူ လူတစ်စုရဲ့ ရယ်မောသံ လိုပါလား…
ဖိနှိပ်ခံ လူတန်းစားရဲ့ တောက်ခေါက်သံလိုပါလား…
နိုင်ထက်စီးနင်း ပေါက်လိုက်တဲ့ ခွာသံလိုပါလား…
ဆင်းရဲသားတစ်ယောက်ရဲ့ လေချွန် သံလိုပါလား…
ဇိမ်ခံ သူဌေးတစ်ယောက်ရဲ့ လောဘ သံလိုပါလား…
အသည်းခွဲသူ လူတစ်ယောက်ရဲ့ ပျော်မြူးသံ လိုပါလား…
အသည်းကွဲ လူတစ်ယောက်ရဲ့ အက်ကွဲသံ လိုပါလား…
ကြားနေရတယ်
ရထားပေါ်ကနေ အတိုင်းသားကြားနေရတယ်….